كامان بیزی اینجیدیر

قانماز بیزه قان اوتدورور یوخ سؤزوم

اوندان آرتیق قانان بیزی اینجیدیر

اوزلوگ آلتدا آی اوزونو گیزله‌دیب

گوزگولوگون دانان بیزی اینجیدیر

دؤوران چكیر قارا پرده آغ اوسته

چالخالانیر یاغی تؤكور یاغ اوسته

داغلار قده‌ر داغ قالاییر داغ اوسته

تاریخ بویو زامان بیزی اینجیدیر

چوغون بیچیر گول چیچكلی خوللاری

دومان چؤكوب اوستونله‌ییب یوللاری

بوش چالیشماق هئی دن سالیب قوللاری

یاز باغریندا خزان بیزی اینجیدیر

بو كور فلك اوخو قویجاق كامانا

كامان توتور قلبیمیزی نیشانا

لعنت گلسین بیر بئلنچی زامانا

اوخدان آرتیق كامان بیزی اینجیدیر

بو رسمیدیر آغیر اولسا یارالار

یارالارین آغریسینی یار  آلار

دوشمن ووران یارا عاصیم ساغالار

دوست یاراسی یامان بیزی اینجیدیر

دینله‌یین                           ائندیرین