آذربايجان موسيقي سي
شعر-موسيقي

كامان بيزي اينجيدير

قانماز بيزه قان اوتدورور يوخ سؤزوم

اوندان آرتيق قانان بيزي اينجيدير

اوزلوگ آلتدا آي اوزونو گيزله‌ديب

گوزگولوگون دانان بيزي اينجيدير

دؤوران چكير قارا پرده آغ اوسته

چالخالانير ياغي تؤكور ياغ اوسته

داغلار قده‌ر داغ قالايير داغ اوسته

تاريخ بويو زامان بيزي اينجيدير

چوغون بيچير گول چيچكلي خوللاري

دومان چؤكوب اوستونله‌ييب يوللاري

بوش چاليشماق هئي دن ساليب قوللاري

ياز باغريندا خزان بيزي اينجيدير

بو كور فلك اوخو قويجاق كامانا

كامان توتور قلبيميزي نيشانا

لعنت گلسين بير بئلنچي زامانا

اوخدان آرتيق كامان بيزي اينجيدير

بو رسميدير آغير اولسا يارالار

يارالارين آغريسيني يار  آلار

دوشمن ووران يارا عاصيم ساغالار

دوست ياراسي يامان بيزي اينجيدير


دينله‌يين                           ائنديرين


یارپاق لار :


Powerd By : ARZUBLOG.COM Theme Designer : Blogskin.ir