اولان اولوب كئچن كئچیب بلكه ده
ایندی داها كؤورلمه یین یئری یوخ
عؤمروم بویو بئله گلیب منیمكی
اولینده‌ن بیری واردیر بیری یوخ
اوزاقدایدی من ایسته‌یه‌ن اوجاقلار
اوره ییمده‌ن گلیب كئچدی سازاقلار
آتالی ایدی آنالی ایدی اوشاقلار
بیزیم ائوده بیری واردیر بیری یوخ
قلیبم یاندی ایلك سئوگیمده‌ن عشقیمده‌ن
دارا دوشدوم ال اوممادیم هئچ كیمده‌ن
مجلیسلرده جان دئییب جان ائشیده‌ن
دوستلاریمین بیری واردیر بیری یوخ