قهرمانلار مسكنی، زحمت هونر وطنی
سنه قوشدوم نغمه می
منیم آذربایجانیم
شرفیم شؤهرتیم شانیم
هاردا واردیر بئله داغلار، هاردا واردیر بئله ووقار
اولفتی دوست ایله باغلار
منیم آذربایجانیم
شرفیم شؤهرتیم شانیم
**********
آیلار اؤتور ایل دولانیر
گئدن گئری دؤنن دئییل
لاچین كؤنلوم پرواز ائدیر
سماسیندان ائنن دئییل
بیر داغام كی گؤیده باشیم
چوخ قدیم دیر منیم یاشیم
آلوولانسا بیرجه داشیم
میلیون ایلده سؤنن دئییل
آذربایجان منیم ائلیم
آذربایجان منیم دیلیم
دوغرانسادا دیلیم دیلیم
باشقا دیله چؤنن دئییل
هم آرازام همده كورم
آخیب خزره تؤكوللم
دیلیم اؤلسه منده اؤللم
آنا دیلیم اؤلن دئییل
********
اسیرگمز تؤحفه سین
مین نعمتلی بهره سین
دوستا آچار سوفره سین
منیم آذربایجانیم
شرفیم شؤهرتیم شانیم
ایللری اوغورلودور
وطنیم قورورلودور
گونش كیمی نورلودور
منیم آذربایجانیم
شرفیم شؤهرتیم شانیم